മാഹി ബൈപ്പാസിൽ നിന്നും പുഴയിലേക്ക് ചാടിയ പെൺകുട്ടികളെ നാട്ടുകാർ സാഹസീകമായി രക്ഷപ്പെടുത്തി
മാഹി ബൈപ്പാസ് കടന്നു പോകുന്ന ഒളവിലം പാത്തിക്കലിലാണ് സംഭവം. പുഴയിലേക്ക് പെൺകുട്ടികൾ ചാടുന്നത് കടവത്തുള്ളവർ കാണുകയായിരുന്നു. ഉടൻ നാട്ടുകാർ തോണിയിറക്കി സാഹസീകമായി രക്ഷപ്പെടുത്തുകയായിരുന്നു.
ഈ സമയം പാത്തിക്കലുണ്ടായിരുന്ന ആശുപത്രി നഴ്സ് പ്രാഥമിക ശുശ്രൂഷ നൽകുകയും, ചൊക്ലി മെഡിക്കൽ സെൻ്ററിലും, പിന്നീട് ഇന്ദിരാഗാന്ധി ആശുപത്രിയിലുമെത്തിക്കുകയായിരുന്നു.
ഇവർ അപകടനില തരണം ചെയ്തിട്ടുണ്ട്. ഇവരെ കാണാതതുമായി ബന്ധപ്പെട്ട് എലത്തൂർ, ചേവായൂർ പൊലീസ് സ്റ്റേഷനുകളിൽ കേസുകൾ രജിസ്റ്റർ ചെയ്തിട്ടുള്ളതായും വിവരമുണ്ട്.
ചൊക്ലി - ചോമ്പാൽ പൊലീസ് സ്ഥലത്തെത്തി.
Locals bravely rescued the girls who jumped into the river from the Mahi Bypass; The women of Kozhikode have overcome the danger level.